ہرشاخ چمن کی جل رہی ہے
کیا بادِ مراد چل رہی ہے
ہم ہیں کہ فریب کھا رہے ہیں
دنیا ہے کہ چال چل رہی ہے
یوں دل میں ہے تیری یاد جیسے
ویرانے میں آگ جل رہی ہے
رُخ پھیر لیا ہے جب سےتُونے
دنیا کی نظر بدل رہی ہے
درپیش ہے آج بھی وہ صورت
جو صورتِ حال کل رہی ہے
اتنی بھی فرازؔ بد دلی کیا
سنبھلو!کہ فضا بد ل رہی ہے
احمدفراز – تنہا تنہا
ایک پردیسی جو پردیس میں رہنے کے باوجود اپنے ملک سے بے پناہ محبت رکھتا ہے، اپنے ملک کی حالت پر سخت نالاں ہے۔ ایک پردیسی جس کا قلم مشکل ترین سچائی لکھنے سے باز نہیں آتا، پردیسی جسکا قلم اس وقت لکھتا ہے دل درد کی شدت سے خون گشتہ ہو جاتا ہے اور اسکے خونِ جگر کی روشنائی سے لکھے ہوئے الفاظ وہ تلخ سچائی پر مبنی ہوتے ہیں جو ہضم مشکل سے ہوتے ہیں۔۔۔ مگر یہ دیوانہ سچائی کا زہر الگنے سے باز نہیں آتا!
Add Comment