کٹھن ہے راہگزر تھوڑی دُور ساتھ چلو

کٹھن ہے راہگزر تھوڑی دُور ساتھ چلو

کٹھن ہے راہگزر تھوڑی دُور ساتھ چلو
بہت کڑا ہے سفر تھوڑی دور ساتھ چلو
تمام عمر کہاں کوئی ساتھ دیتا ہے
یہ جانتا ہوں مگر تھوڑی دُور ساتھ چلو
نشے میں چُورہوں میں بھی تمھیں بھی ہوش نہیں
بڑا مزہ ہو اگر تھوڑی دُور ساتھ چلو
یہ ایک شب کی ملاقات بھی غنیمت ہے
کسی ہے کل کی خبر تھوڑی دُور ساتھ چلو
ابھی تو چاک یہ ہیں چراغ راہوں کے
ابھی ہے دُور سحر تھوڑی دُور ساتھ چلو
طواف منزل جاناں ہیں بھی کرنا ہے
فراؔز تم بھی اگر تھوڑی دُور ساتھ چلو

احمدفراز – تنہا تنہا