دل چھلک اٹھا، آنکھ بھر آئی
آج ٹی وی پہ وہ خبر آئی!
ان مسائل میں تیری یاد بھی کیا
جیسے تتلی پہاڑ پر آئی!
اپنی ماں کی طرح اداس اداس
بیٹی شادی کے بعد گھر آئی
اب تو میں بھی نطر نہیں آتا
اے خدا کون سی ڈگر آئی
تم نے جو کچھ کیا شرافت میں
وہ ندامت بھی میرے سر آئی
ایک پردیسی جو پردیس میں رہنے کے باوجود اپنے ملک سے بے پناہ محبت رکھتا ہے، اپنے ملک کی حالت پر سخت نالاں ہے۔ ایک پردیسی جس کا قلم مشکل ترین سچائی لکھنے سے باز نہیں آتا، پردیسی جسکا قلم اس وقت لکھتا ہے دل درد کی شدت سے خون گشتہ ہو جاتا ہے اور اسکے خونِ جگر کی روشنائی سے لکھے ہوئے الفاظ وہ تلخ سچائی پر مبنی ہوتے ہیں جو ہضم مشکل سے ہوتے ہیں۔۔۔ مگر یہ دیوانہ سچائی کا زہر الگنے سے باز نہیں آتا!
Add Comment