پاس رہ کر جدا سی لگتی ہے
زندگی بے وفا سی لگتی ہے
میں تمہارے بغیر بھی جی لوں
یہ دعا، بدعا سی لگتی ہے
نام اس کا لکھا ہے آنکھوں پر
آنسوؤں کی خطا سی لگتی ہے
وہ ابھی اس طرف سے گزرا ہے
یہ زمیں آسمانں سی لگتی ہے
پیار کرنا بھی جرم ہے شاید
آج دنیا خفا سے لگتی ہے
ایک پردیسی جو پردیس میں رہنے کے باوجود اپنے ملک سے بے پناہ محبت رکھتا ہے، اپنے ملک کی حالت پر سخت نالاں ہے۔ ایک پردیسی جس کا قلم مشکل ترین سچائی لکھنے سے باز نہیں آتا، پردیسی جسکا قلم اس وقت لکھتا ہے دل درد کی شدت سے خون گشتہ ہو جاتا ہے اور اسکے خونِ جگر کی روشنائی سے لکھے ہوئے الفاظ وہ تلخ سچائی پر مبنی ہوتے ہیں جو ہضم مشکل سے ہوتے ہیں۔۔۔ مگر یہ دیوانہ سچائی کا زہر الگنے سے باز نہیں آتا!
Add Comment