Apna Daur-e-Muhabbat Yaad Aata Hai

Apna Daur-e-Muhabbat Yaad Aata Hai

جب کوئی کسی سے آنکھ چراتا ہے
اپنا دورِ محبت یاد آتا ہے
جب کوئی صنم کو پسِ پشت ڈال کر
کسی رقیب سے ہاتھ ملاتا ہے
اپنا دورِ محبت یاد آتا ہے
جب آہوں کا نوحہ وفاؤں کی لاش پر
اک ٹوٹا ہوا دل گاتا ہے
اپنا دورِ محبت یاد آتا ہے
جب کوئی کسی کو منتظر چھوڑ کر
پردیس چلا جاتا ہے
اپنا دورِ محبت یاد آتا ہے
جب کوئی مجبوریوں کی ردا تان کر
سب عہد و پیمان بھول جاتا ہے
اپنا دورِ محبت یاد آتا ہے
جب کوئی محبتوں کا تاج محل توڑ کر
اک نئی دنیا جا بساتا ہے
اپنا دورِ محبت یاد آتا ہے
جب کوئی کسی کو بے خبر چھوڑ کر
اک نئی سیج سجاتا ہے
اپنا دورِ محبت یاد آتا ہے
جب کوئی نوشہ کسی ہاری دلہن کا
گھونگھٹ اٹھاتا ہے
اپنا دورِ محبت یاد آتا ہے
اور کوئی اپنی وفاؤں کا لاشہ
اپنے کندھوں پہ اٹھاتا ہے
اپنا دورِ محبت یاد آتا ہے
بے جرم سزا، بے کفن لاشہ
مسعودؔ بھی کیا انعام پاتا ہے
اپنا دورِ محبت یاد آتا ہے

مسعودؔ