اکبار تو دے جاؤ درشن گوری

دل میں آس، آنکھیں اداس آئے نہ راس یہ جیون گوری
خوشی کے پھول، سب ہوئے دھول، کیسے ہرا ہو من کا گلشن گوری

اک یاد تمہاری و دل کی بیزاری، کیسے سکھ سکون کی بات ہو
اک رات اندھیری و آندھی بہتیری، کیسے دل کا دِیا ہو روشن گوری

دُور ہے منزل، پاؤں میں سلاسِل، راستے ہیں پُرخار بہت
کیسے قدم اٹھائیں، ہم کدھر جائیں، نظر آئے نہ کوئی وطن گوری

زخمِ دل لاعلاج، انکی تسلی اک زجاج، زخمِ دل کو چیر دے
صنم ہرجائی ہو، کیسے مسیحائی ہو، ہر مرہم بھی لگے سوزَن گوری

ہم دور بہت، ہوا قصور بہت، تمہیں پا کر بھی ہم پا نہ سکے
تیری یاد ستائے، دل ڈوبا جائے، اکبار تو دے جاؤ درشن گوری

صحنِ گل ویراں ویراں، سنسان ہوئیں سب بستیاں، لے کے دل جائیں کہاں
تم خفا بہت، ہم تنہا بہت، بس ٹوٹ گیا دل درپن گوری

مسعود